KALIBO, Aklan— Pilang adlaw eon lang antes ro uman nga pagbukas ko Isla it Boracay, uman nga nadugangan it 47 compliant establishments nga may kabilugang 1, 846 total number of rooms ro naunang numero nga 68 nga mga hotels and resorts nga may 3, 519 total number of rooms nga makapag-operate sa soft opening sa adlaw it byernes.
Sa pinakaulihing listahan nga ginpaguwa it Boracay Inter-agency task force partikyular it Department of Environment and Natural Resources (DENR), Department of the Interior and Local Government (DILG) ag Department of Tourism (DOT), nag-abot eon sa 115 establishments nga may kabilugang 5, 365 total number of rooms ro nakapag-secured it mga necessary clearances, permits ag iba pang requirements nga pasugtang makadungan sa re-opening it “new” Boracay.
May kaangtanan kara, uman nga nagpadumdom ro inter-agency task force sa mga turista ag bakasyunista nga likawang makipagtransaksyon sa mga establisyentong non-compliant agud inde makaangkon it problema kapin eon ag nagahilapit ro long week-end.
Sa makaron hay hugot gihapon nga ginabawaean it task force ro online promotions ag related collaterals hasta sa makumpleto it mga bussiness owners ro tanan nga gin-required nga requirements it nasambitang mga ahensya it gobyerno.
