POLICE Report — Arestado it mga awtoridad ro 42 anyos nga eaeaki nga gina-alegar nga pauman-uman nga naghimueos sa anang manak sa banwa it Hagonoy sa Bulacan.
Ginkilaea ro suspek nga si alyas “Emo”, fishpond caretaker sa Pampanga, residente it Purok 1, Brgy. Sta Cruz ag kaibahan sa Municipal Most Wanted No.10.
Sa report, naaresto ro wanted nga mabuhay eon nga nagapanago sa laye kat sirbihan it warrant of arrest it Hagonoy police tracker team bandang 1:50 it hapon sa Brgy. Sta Cruz.
Nasayuran nga ginposasan it mga pulis ro wanted sa katung-anan it selebrasyon it anang kaadlawan kat nag-uli raya sa andang baeay.
Ro WOA sa kasong rape hay gin-isyu it Presiding Judge it Regional Trial Court of Malolos Bulacan Branch 4 ko Setyembre 27, 2022 nga owa it ginrekomendang piyansa.
Ginasugid nga pauman-uman nga gin-rape ag ginpaeag nga pagapatyon ro biktimang gintago sa pangaeang Ann sa edad nana nga 12 kon owa ro anang ina sa baeay.
Nagahimas eon it rehas ro wanted samtang sa custodial facility para sa documentation ag proper disposition.
