POLICE Report — Ginbugbog it pilang menor de edad, kaibahan ro sangka an-um nga dag-on nga unga ro sangka 13-anyos nga dalagita sa Malolos, Bulacan matapos nga akusahan it pagpanakaw it kahita.
Ro biktimang gintago sa pangaeang “Sheena” hay pauman-uman nga ginbugbog it anang mga kahampang, nga magmaeanghud, matapos imaw nga pasibangdan it andang ina it pagpanakaw ko Enero 30.
Suno kay Sheena, ginpaeag imaw it ginang nga pagakabuliganan nga bugbugon it anang mga unga kon indi nana igabalik ro kahita.
Nag-viral sa social media ro sangka video it insidente kun sa siin nagatinangis si Sheena samtang padayun imaw nga ginabugbog.
Hugut man nga ginpamalibaran it sangka babaye nga ginsoesuean nana ro mga unga nga padayunon ro pagbugbog ag nagpaandam nga imaw mismo ro magahimo kara kon indi nanda pagpadayunon ro pagsakit kana.
Ginkumpirma it barangay nga ro ina it mga unga ro unang nagreklamo kontra kay Sheena, apang ginpamalibaran nana ro akusasyon kat mag-atubang sa mga opisyal.
Maskin nga owa it nakitang kahita, ginpamilit it ginang nga nag-aku si Sheena kana ag sa barangay tanod.
Ginpaathag nana nga ginpaeag eamang nana ro unga ag owa ginaeauman nga magaresulta sa makarondaya nga sitwasyon.
Sambilog sa mga eakot nga menor de edad, si “Mariel,” 13 anyos hay nagpangayo it tawad ag ginpahayag nga nadaea eamang imaw it anang kaakig ag ginhinoesuean ro anang gin-obra.
Samtang, eubus man ro kasubo it ina ni Sheena sa gindangatan it anang unga ag gin-insister nga imbes nga sakiton hay pwede man imaw nga disiplinahon it maayos.
Ginpahayag man nana nga magapasaka imaw it kaso kontra sa mga may kahimuan ag indi magabaton it anumang tanyag nga areglo.
Rumesponde man ro City Social Welfare Office it Malolos agud nga magtau it counseling sa mga unga nga eakot ag seminar para sa andang mga ginikanan.
Ginkumpirma it Department of Social Welfare and Development (DSWD) nga naabisuhan ag nabisita eon nanda ro mga menor de edad nga una sa video.
