KALIBO, Aklan — KALIBO, Aklan — Sambilog eon man nga albularyo ro nagpatigayon it ritwal sa lugar nga ginaturo nga gin-eumsan it 15-anyos nga si Jhuros Flores sa Brgy. Polo, Banga.
Ginpaduguan it albularyo nga si Loyd Barroa ro lugar gamit ro sangka manok nga puti bilang kabaylo sigon it eawas it binatilyo.
Ro ritwal hay kasunod it anang ginpatigayon nga tawas, kun sa siin, nakita nana nga idtu sa sueod it mabahoe nga buho sa idaeum it puno sa ibabaw it kilid it suba ro eawas it unga, apang kalansay eon makaron.
Ginpahayag dugang nga sangka engkanto ro nagkagusto kay Jhuros ag maskin eabag sa anang baeatyagon hay gin-obra eon raya nga sangka prinsipe.
Raya ro kabangdanan suno kana nga maskin nga gingalugad eon ro lugar it mga rescue team it PDRRMO ag iba pang mga MDRRMO’s sa Aklan kaibahan ro mga volunteer divers halin sa nagkaeain-eain nga lugar dugang pa ro mga albularyo ag mga psychic hay owa gihapon nakita ro anang eawas.
Naengkanto sigon ro binatilyo ag ginbo-oe agud nga obrahon nga prinsipe sa andang kalibutan.
Sa pihak kara, una suno kana sa mayad nga kahimtangan ro unga ag may misyon imaw nga pagabuytan sa underworld ukon pihak nga kalibutan.
