KALIBO, Aklan — Nagapangatubang makaron sa kasong qualified seduction ro sangka 19-anyos nga eaeaki matapos sigon nga ginhilong ag pagkatapos hay ginhimuslan ro 16-anyos nga dating karelasyon sa Barangay Camanci Norte, Numancia, Aklan.
Gin-aresto it pulisya si Arjay Rota, residente it Barangay Bakhaw Sur, Kalibo ah nakakulong makaron sa Numancia Police Station.
Sa report it pulisya, nagsaeampitan nga mag-inuman ro dating magkarelasyon kaibahan ro iba pang kabarkada sa baeay ko ingkampod it suspek sa nasambitang lugar.
Apang kat nahilong eon hay gin-abuso sigon ni Rota ro dalagita sa sueod it sangka kwarto.
Samtang, hugot nga ginpamalibaran it suspek ro akusasyon kontra kana ag ginpahayag nga pareho nandang ginusto ro natabo.
Dugang pa kara nga makapilang beses eon nga may natabo kanda it anang ex-girlfriend antes pa man sanda nagbueag.
