POLICE Report — Sangka bangkay it babayeng menor de edad ro nakit-an nga nakasueod sa maleta nga naga-eutaw-eutaw sa suba sa siyudad it San Jose Del Monte.
Sa report, ro bangkay hay sangka 16-anyos nga dalagitang napabalita nga sang domingo eon nga naduea.
Suno sa imbestigasyon, natukiban ro nagapaeutaw-eutaw nga bangkay bandang 6:30 it gabi-i ko February 13 sa Sapang Alat River, Pleasant View Residences, Brgy. Graceville.
Nasayuran nga nakabaton it tawag ro kapulisan nga may mabaho nga hugum nga nagahalin sa sangka maleta sa nasambit nga suba rason nga insigidang gin-respondehan.
Kat buksan ro maleta hay nakita ro nagaka-agnas eon nga bangkay nga ginasugid nga may marka it mga nina ag may buho sa leog.
Ginasugid nga nagea-ong ro biktima sa anang pamilya ko gabi-i it February 7 nga maga-agto sa anang amigo nga nagapasueang kana bangud nga ginabugbog sigon raya it anang asawa.
Umpisa nga naghalin sa andang baeay hay indi eon makontak ro biktima hasta sa nakita eon lang raya nga sangka bangkay eon sa sueod it maleta nga nagapaeutaw-eutaw sa nasambit nga suba.
Ginasugid nga may mga person of interest eon ro kapulisan sa nasambit nga krimen.
