KALIBO, Aklan— Arestado it mga otoridad ro sangka 16-anyos nga ginaalegar “bugaw” it mga babaye samtang naeowas man ro daywang biktima kara matapos ro entrapment operation sa sangka lodging house sa Barangay Tambak, New Washington, Aklan.
Base sa report, gindakop ro dalagita sa entrapment sa sueod it sangka kwarto sa nasambitang lodging house, kon siin nagpakuno-kuno nga mga customers ro daywang pulis nga nagpakilaeang mga seaman.
Narescue ro daywa pang menor de edad nga may edad 17 ag 18 anyos.
Gin-aresto ro bugaw matapos nga ita-o ro mga biktima sa nagpakuno-kunong customer kabaylo it P7,000.
Una eon sa kustodiya makaron it Department of Social Welfare and Development (DSWD) ro mga biktima, kon siin gin-ako nanda sa mga kapulisan nga mabuhay eon nandang ginahimo ro pagbaligya it madaliang kalipay.
Target sigon nanda ro mga sabungero kapin eon ro mga nagadaog ag makikisakay sa pag-uli agud maipatigayon ro andang transaksyon.
Pagakasuhan man ro bugaw sa oras nga mabaton it mga otoridad ro certificate of discernment halin sa DSWD.
