Ligtas na nakauwi sa Pilipinas ang 166 Pilipino mula Kuwait, kabilang ang 150 overseas Filipino workers at 16 dependents, sa gitna ng patuloy na tensyon sa Gitnang Silangan.
Ayon sa Department of Migrant Workers, isinagawa ang koordinadong paglalakbay mula Kuwait patungong Saudi Arabia bago lumipad patungong Pilipinas. Tinanggap ang mga repatriate sa Ninoy Aquino International Airport Terminal 3 ng mga ahensya ng pamahalaan.
Karamihan sa mga umuwi ay nagpasiyang magpabalik-bansa dahil sa pangamba sa seguridad dulot ng kaguluhan sa rehiyon.
Patuloy ang repatriation efforts ng gobyerno para sa iba pang OFW sa Middle East, kasabay ng pagbibigay ng tulong tulad ng pagkain, tirahan, transportasyon, at pinansyal na ayuda.
Inaasahan pa ang karagdagang pag-uwi ng mga Pilipino habang nagpapatuloy ang koordinasyon ng mga awtoridad sa iba’t ibang bansa sa rehiyon.
