KALIBO, Aklan – – – Kritikal ro sangka 17 anyos nga construction worker matapos gina alegar nga aksidenteng mabaril it boga it anang kumpare ag kaibahan sa trabaho sa andang gina ubrahan nga construction site sa Brgy. Andagao, Kalibo kaina it alas-3:00 it hapon.
Ro biktima hay gin kilaea kay Christopher Orfanel, residente it Brgy. New Buswang, Kalibo kun sa siin nakaangkon raya it igu it holen sa anang ueo.
Gina turong suspek sa insidente ro amigo man it biktima nga gin kilaea kay Eljay Villabera, 25 anyos ag residente man it nasambitan nga lugar.
Suno sa suspek, nakita eamang kara ro boga sa likod it pertahan rason nga anang gin bo-oe apang, aksidenteng eumupok ag umigo sa biktima.
Naabutan man it naga panag iya it boga nga naga huray-ag sa saeog ro biktima ag owa eon it malay.
Insigida man nga gin daea raya sa sangka pribadong ospital ag padayun nga under observation sa makaron.
Samtang, ro suspek hay presenteng nakakulong man sa Kalibo PNP Station.
Sa makaron hay naga padayun man ro imbestigasyon it otoridad sa nasambitan nga insidente
