Ginkumpirma it Department of Migrant Workers (DMW) nga temporaryong ginpahilway it Qatari authorities ro 17 Pilipinong nakulong bangud sa pagtambong sa kilos-protesta sa Doha, Qatar ku March 27.
Suno kay DMW Sec. Hans Leo Cacdac, gintaw’an it “provisional release” ro mga Pilipino samtang nakabinbin ro imbestigasyon.
Ginpahayag ni Cacdac, unang ginpahilway ro 12 eaeaking Pilipino kahapon, alas-dos it agahon, oras sa Qatar, samtang ginpahilway ro limang babaye bandang alas-kwatro it agahon.
Paathag pa it opisyal, ro pagpahilway sa mga nasambit nga Pilipino hay bunga it direktiba ni Pang. Ferdinand Marcos, Jr. nga siguraduhon ro insigidang pagpahilway sa mga kababayan ag pag-tao it legal ag welfare assistance sa mga nasambit nga Pilipino.
Kaibahang naaresto kato ro tatlong menor de edad nga una eon man nga gipahilway it mga awtoridad.
