Ginpasiguro ni dating senador Antonio Trillanes IV nga padayon nanang pasakaan it kaso ro mga nagpakilaeang 18-ex marines sa kada pagpakita ag pagpapinuril nanda sa media.
Raya hay kasunod it anang gindihon nga kasong cyberliber sa nasambit nga mga personalidad.
Suno kana, raya hay para indi eon mauman ro pag-higko sa pangaean it International Criminal Court (ICC), ag sa reputasyon it nagkaeain-eain nga personalidad.
Sa pihak sigon nga naintindihan nana ro pagkinahangean it nasambit nga mga 18-ex marines, indi imaw magpasugot nga masamad ro mabuhay eon nga handum nga hustisya it mga pamilya it mga biktima it war on drugs nga ginhimo it administrasyong Duterte.
Paathag man it datin senador, may limang dating myembro it 18-ex marines nga nag-ako nga sanda hay gin-tanyagan it milyon-milyon nga kwarta kabaylo it pagsunod sa nasambit nga press conference apang uwa ro mga raya nagpasugot bangud indi sigon nanda makaya nga mag-pinuril sa publiko kabaylo it kwarta.
Pagklaro nana, sa sueod it an-om nga dag-on nga termino it dating presidente, uwa imaw naimbolbar sa anumang klase it istoryang korapsyon kaya makabig nga imbento eamang raya it mga nasmabit nga personalidad.
