Posibleng mag-atubang sa dugang nga mga kasong libel ag cyberlibel ro 18 nagpakilaeang dating Marines ag “bagmen” nga tumestigo sa Senate Blue Ribbon Committee angot it mga alegasyon it anomaliya sa flood control projects.
Ginpahayag nanday Senators Vicente Sotto III ag Erwin Tulfo nga magapasaka sanda it reklamo kontra sa mga testigo bangud sa mali sigon nga pasibangud ag bukon tugma nga testimonya.
Ginhambae man ni Sen. Panfilo Lacson nga posibleng manabat ro mga nagpatigayon it pagpamati kun mapamatud-ang uwa raya it bastanten nga legal nga awtoridad.
Nauna eon nga nagdihon it mga reklamo sanday Batangas Rep. Gerville Luistro, Iloilo City Rep. Julienne Baronda, ag dating Senador Antonio Trillanes III, samtang mahugot man nga ginpamalibaran it pilang mamalidha ag dating opisyal ro mga alegasyong ginaeapog kana.
Samtang, ginkumpirma it Philippine Navy nga ap’at sa 18 indibidwal hay uwa naging miyembro it Philippine Marine Corps, samtang ro iba hay na-discharge nga may dishonorable status.
