POLICE Report — Kulong ro 19 anyos nga eaeaki matapos nga gina-alegar nga gin-bully, ginbugbog ag nagpamaeag nga pagapatyon ro unga nga andang kaeapit-baeay nga nagahampang sa siyudad it San Jose Del Monte sa Bulacan.
Ginkilaea it kapulisan ro suspek nga si sa alyas “Joe” samtang ro biktima hay gintago sa pangaean nga Dante, 11-anyos, parehong residente it Brgy. Gaya-gaya.
Base sa report, natabu ro insidente bandang 4:00 it hapon sa nasambit nga lugar.
Suno sa inisyal nga imbestigasyon, nagahampang ro biktima sa bakanteng lote kat nagpaeapit ro suspek ag owa it anuman nga rason nga gin-bully ro unga.
Nasayuran nga owa pa nakuntento ro suspek sa anang pagpang-bully bangud nga ginbinayo nana ro biktima sa nagkaeain-eain nga parte it eawas ag ginpaeag nga pagapatyon.
Kat naka-uli ro biktima hay nagsugid raya sa anang ina sa natabu nga insigida man nga nagdangop sa mga Barangay Tanod nga rumesponde sa lugar rason nga gindakop ro suspek ag gindaea sa police station.
Nagapangatubang ro suspek sa kasong Physical Injuries in relation to RA 7610 samtang nakakulong sa detetion facility it nasambit nga police station.
