KALIBO, AKLAN — Presenteng ginausoy sa makaron ro daywang mountaineers ag kaibahang tour guide nga ginapahayag nga nagsaka sa Mt. Nausan sa banwa it Libacao, Aklan ag paadto it Mt. Madjaas, ro pinakamataas nga bukid sa isla it Panay nga makit-an sa probinsya it Antique.
Ginkilaea ro mga hikers nga sanday Richard Ropero it banwang Lezo ag Ritchel Casidsid it Malay, Aklan, parehong mga miyembro it Aklan Mountaineers Organization.
Suno kay executive officer Galo Ibardolaza it Provincial Disaster Risk Reduction and Management Council (PDRRMC) nga nagahimo it trail ukon daean ro mga hikers para sa iba pang mga mountaineers nga magasaka sa nasambitang mga bukid.
Nagsaka sigon sa bukid ro tatlo ko Mayo 4 ag magabalik kunta kahapon, apang uwa pa nakapanaog hasta sa makaron.
Ginatinguhaan it PDRRMC nga makipag-angot sa mga residente it mga ginaagyang lugar it mountaineers sa bulig it Bombo Radyo nga mabaskog ro signal sa nasambitang lugar.
