-- ADVERTISEMENT --
KALIBO, AKLAN — Umiskapo ro daywa ka mga suspek sa pagpanakaw paguwa it provincial hospital matapos nga isaidaeom sa medical test.
Kumaripas it daeagan ro daywa ka mga suspek nga ginkilaea kanday Nino Dela Rosa, 20-anyos ag Randy Fulgencio, 18-anyos parehong residente it Purok 3 C. Laserna Street Kalibo.
Gin-aresto ro daywa bangod sa pagpanakaw sa panimaeay it sangka police officer sa barangay Estancia, Kalibo.
Ginasugid nga magapabalik eon kunta it Kalibo PNP station ro mga suspek apang gulpi nga dum-eagan paguwa it ospital.
Insigida raya nga ginlinagas it mga katapo it kapulisan hasta sa may bahin it Calachuchi Road, apang uwa man raya nadakpan.
-- ADVERTISEMENT --
Sa makaron hay padayon nga gina-usoy it mga kapulisan ro daywa ka mga suspek.
