-- ADVERTISEMENT --
KALIBO, AKLAN — Patay ro daywang magbarkada matapos bumunggo ro andang motorsiklo sa concrete barrier sa bag-ong tulay nga naga konektar sa banwa it Kalibo ag Numancia.
Nabasag ro bungo ag nagkabali-bali ro mga toe-an sa eawas it mga biktimang sanday Reymark Leuterio, 23, ag Kim Ian Dondon, 16, parehong naga estar sa Brgy. Bagto, Lezo, Aklan.
Sa imbestigasyon ni PO3 Eric Lachica it Numancia PNP, magkaangkas ro daywa sa sangka motorsiklo kat gina sugid nga mag-counter flow sa sangka kotse, ag naduea-an it kontrol ro saeakyan ag nagdere-deretso sa concrete barrier sa punta nga parte it tulay.
Gina sugid nga ro daywa hay naghalin sa sangka birthday party it sambilog pa nandang barkada.
