KALIBO, Aklan — Naga pamayad eon sa ospital ro daywang katawo matapos hapiton it jet blast it sangka eroplano nga pa-take-off sa runway it Kalibo International Airport kahapon ithapon sa Barangay Pook, Kalibo, Aklan.
Gin kilaea ro mga biktima nga sanday Rowen Andrade, 57, driver it tricycle ag residente itBarangay Cawayan New Washington, Aklan kamana man ro anang pasahero nga si Nancy Flaviano, 54, it Barangay Tambak it nasambitang banwa.
Parehong gin padangat ro daywa sa pribadong ospital bangud sa nina nga naangkon sa magkaein-eain nga parte it andang eawa.
Sa kabaskog it impact, inapok ro andang ginsakyang tricycle sa pihak nga linya it karsada bago nahueog sa kanae it irigasyon.
Sa pihak nga parte, gina basoe it driver it tricycle ro gin taeanang gwardiya sa lugar nga owa sigon nagtao it naga kaigong paandam.
