KALIBO, Aklan — Daywang ka aspirante sa pagka-kongresista sa ikaywang distrito it Aklan ro nag file it withdrawal it andang certificates of candidacy (COCs).
Raya ro ginkumpirma ni Chrispin Raymund Gerardo, tagapaghambae it Commission on Elections (Comelec Aklan).
Suno kana nga ro withdrawal it COCs hay nagakahueugan man it withdrawal of candidacy halin sa position nga andang ginapadaeaganan.
Base sa andang records, ro daywang aspirants nga nag withdraw it andang kandidatura hay sanday Lionel Tirol ag retired army officer Matt Wacan, parehong nagapa-ilihir sa pagka-kongresista sa 2nd district it Aklan.
Kinamatarung sigon it kandidato nga mag file, mag cancel, ukon mag withdraw it andang COC.
Samtang, engkaso nga maeakip ro andang pangaean sa pag imprinta it balota ag nabotohan sa adlaw it eleksyon, pagakabigon sigon raya nga stray vote.
Sa makaron hay maga engkwentru sa nasambit nga posisyon ro dating magkaalyado nga sanday incumbent Cong. Ted Haresco ag dating Cong. ag Aklan governor Joven Miraflores.
