POLICE Report — Kapin sa 22 nga mga estudyante it Bubog Elementary School sa Talisay City, Negros Occidental ro nagmasakit matapos magkaon it expired nga tsokolate ag chips.
Una sa 15 nga Grade 5 pupils ro unang nakaeksperyensiya it pagsakit it tiyan, ginsundan it pito pa halin sa Grades 3 ag 4.
Gindaea sanda sa City Health Office ag insigidang ginpa-uli matapos nga mabueong.
Nagtuhaw sa imbestigasyon nga may sangka estudyante ro nagbaligya it expired nga pagkaon, nga ginpanupod sa sangka komunidad antes ro insidente.
Ro mga produkto hay naghalin sigon sa sangka bodega sa Manila, kun sa siin raya hay dapat nga ginapakaon sa mga ueod.
Pilang estudyante nga nagkaon hay owa man nakitaan it sintomas.
Nagpadumdum ro DepEd-Negros Occidental sa hugut nga pagpatuman it canteen-only food policy agud nga malikawan ro makarondaya nga hitabu.
Sa pihak kara, indi masiguro it mga manugturo ro pagkaong daea it mga unga halin sa andang mga baeay.
Gina-engganyo ro mga ginikanan nga bantayan ro ginakaon it andang mga unga ag insigidang magpakonsulta sa doktor kun may sintomas it food poisoning.
