KALIBO, Aklan – – – Dead on the spot ro sangka eaeaki matapos nga makuryente ag mahueog sa bungbungan it gina-obrahan nga talyer sa Meren Road Brgy. Estancia, Kalibo.
Nakilaea ro biktimang si Ricky Temporaza, 26 anyos ag residente it Brgy. Libang ukon Brgy. Tibiawan, Makato.
Imaw hay nag-angkon it sunog sa anang uyahon partikular sa dahi.
Suno kay Mr. Rolando Concepcion, sambilog sa mga nakasaksi sa insidente nga gintinguhaan pa nanda nga masalbar ro biktima apang maskin sanda hay nakuryente.
Ginatantiya nga haeos 5 meters ro ginbagsakan it biktima.
Base sa report, nagsaka ro biktima kaibahan ro sambilog pang trabahador sa bungbungan agud nga maglimpyo it mga dahon sa gutter, apang aksidenteng sumang-it sa live wire it Akelco ag dumukot si Temporaza.
Insigida man nga nagresponde ro mga linemen it Akelco ag ginkuhit ro biktima ag nahueog sa idaeum.
