27-anyos nga eaeaki, arestado sa pagpatay sa graduating nursing student sa Nueva Ecija

Arestado sa San Antonio, Nueva Ecija ro 27-anyos nga eaeaki nga nagapangunang suspek sa pagpatay sa 21-anyos nga babaye nga sangka graduating nursing student.

Suno sa kapulisan, gin-eaum ko una nga nagpakamatay ro biktima, apang nagguwa sa ginpatigayon nga maid-id nga imbestigasyon nga imaw hay gin-eu-ok nga naging rason it anang pagkamatay.

Nakilaea ro suspek pinaagi sa cellphone it biktima nga gina-alegar nga ginbo-oe kara matapos ro insidente.

Nagtuhaw man sa imbestigasyon nga nag-utang ro suspek it P5,000 sa biktima apang owa kara ginpasugtan.

Gin-aku man it suspek ro krimen ag makaron hay nagapangatubang sa kasong murder.