KALIBO, AKLAN – – – Nagbigti-patay ro sangka 29 anyos nga eaeaki gamit ro sangka electrical cord nga gin higot kara sa anang leog ag gin kabit sa baeayon it boarding house nga gina dayunan sa isla it Boracay.
Gin kumpirma ni PO1 Ariel Naral it Boracay Tourists Assistance Center (BTAC) ro biktima nga si Reygen Bula, tumandok it Roxas City, Capiz apang, temporaryong naga estar sa Sitio Pinaungon, Brgy. Balabag, Boracay.
Base sa report, nasapwan eon lang raya nga nakabitin bandang alas-4:00 it kaaganhon ku nagtaliwan nga adlaw it Huwebes.
Nasayuran nga ro biktima hay naga trabaho sa resort sa isla.
Gina sugid nga nakaangkon it owa pagkaintindihan sa tunga it biktima ag sa anang live in partner antes natabo ro insidente.
Sa makaron hay padayun pang gina imbestigahan it kapulisan ro insidente agud masayuran kun may foul play sa natabong pagpakamatay it biktima.
