Ginkumpirma it Department of Migrant Workers nga nag-abot eon sa Pilipinas ro kabilugang 290 overseas Filipinos ag OFWs halin sa nasyon it Lebanon.
Nag-abot ro mga raya sa Ninoy Aquino International Airport ko adlaw it Biyernes sakay it sangka chartered flight.
Ginakaeakipan raya it 233 overseas Filipino workers ag ro andang 13 dependents kamana man 21 overseas Filipinos kaibahan ro andang 23 dependents.
Kaibahan it nasambit nga Pilipino sa andang byahe si DMW-Migrant Workers Office attaché to Alkhobar Hector Cruz.
Ro nasambit nga tikang hay base sa direktiba ni Pangueong Ferdinand Marcos Jr. nga ibakwit ro mga Pilipino sa Lebanon bangud sa nagalala nga tensyon sa Middle East.
Pagpanaog sa Ninoy Aquino International Airport hay ginsug-aeaw sanda it mga miyembro it DMW ag Overseas Workers and Wefare Administration.
Ginpasiguro it DMW nga igatao it gobyerno ro nagakaigong bulig kanda matapos nga ginpiling bumalik it nasyon.
