Nakabo-oe ro Pilipinas it $3.4 billion ukon kapin sa P210 billion nga investment pledges halin sa mga Japanese company kasunod it high-level business roundtable meeting sa pagpanguna ni Pangueong Ferdinand R. Marcos Jr. sa Tokyo, adlaw it Miyerkules.
Gin-anunsyo ro mga promisa samtang nakikipagpueong si Pangueong Marcos sa top Japanese business leaders sa Imperial Hotel sa Tokyo.
Ro high-level business roundtable kaibahan ro mga Japanese business executive hay kaparte it four-day state visit ni Pangueong Marcos sa Japan, kaibahan ro pinakabag-ong development nga magahatud sa mas mabaskog nga economic cooperation sa tunga it Pilipinas ag Japan.
Raya hay senyales man it mas mabaskog nga pagsueong agud nga padaeumon ro kalakalan, investment ag industriya nga naka-angot sa Japan, sambilog sa ginakabig nga ‘largest economic partners’ it Pilipinas.
Ginpamilit pa it Chief Executive ro importansiya it pagbilog it “more integrated and resilient economic partnership” sa tunga it global challenges, kaibahan eon ro ‘supply chain disruptions ag energy market volatility.’
Sa pihak nga parte, ginpasaeamatan man it Pangueo ro pilang Japanese firm nga padayun nga may investments sa Pilipinas, ag ginakilaea ro andang kontribusyon sa ’employment ag industrial development.’
May pilang Japanese company man ro presenteng naga-operate sa nasyon kapareho it All Nippon Airways, Toyota, Mitsubishi Corporation, Marubeni, Panasonic ag Fast Retailing.
Suno kana nga ginatinguhaan it Pilipinas ro sangka ‘coordinated national strategy’ agud nga ilinya ro infrastructure development, industrial growth, finance, human capital ag connectivity para suportahan ro long-term expansion, “with trade and tourism positioned as central drivers of growth.”
Samtang, ginpasiguro man it Pangulo sa Japanese partners ro padayun nga reporma para mapamayad pa ro institutional efficiency ag long-term investment stability, kadungan ro paghambae nga “government is modernizing institutions to better support trade and tourism-led growth.”
Si Pangueong Marcos hay presenteng sa Japan para sa four-day state visit nga nagatuyo nga pabaskugon ro ‘political ties, defense cooperation, economic partnerships ag people-to-people exchanges’ sa tunga it Manila ag Tokyo.
