Nasapwan ro 3 barko it China Coast Guard maeapit sa El Nido, Palawan.
Base sa monitoring ni US maritime security expert Ray Powell, una sa 35 nautical miles ukon 65 kilometers ro distansiya it mga barko it China halin sa El Nido nga isinalarawan nanang ginakabaeak-an ag pagpakita it pwersa sa tunga it padayon nga pagpamilit it China sa claims kara sa teritoryo it PH.
Ayon Kay Powell, naghalin ro mga barko it China sa Scarborough shoal ag nanaog paadto it El Nido agahon it dayang Dominggo para magpatigayon it “intrusive patrol”.
Ro pinakabag-ong presensiya ngara it mga barko it CCG hay sang dominggo eamang matapos nasapwan ro sambato sa pinakamabahoe nga Chinese research vessel nga Lan Hai 101 maeapit man sa Palawan, apang suno sa Philippine Navy, nagsunod sa protocol ro barko bangud kinahangean kara nga malikawan ro maeain nga panyempo.
