POLICE Report – Patay matapos tamaan it kilat ro tatlong estudyante nga magabo-oe eamang kunta it saging sa Bayog, Zamboanga del Sur.
Daywa nga iba pa sa andang kaibahan ro naninahan sa insidente.
Ginpahayag it Bureau of Fire Protection (BFP)-Bayog nga mag-iligbata ro mga biktima nga maga-agto kunta sa bukid para magbo-oe it igabaligya nga saging.
Ro kabak-eanan sa mabaligya nga saging hay pagagamiton kunta it mga estudyante nga pangbayad sa andang intramurals sa eskwelahan.
Base sa report, owa eon naka-abot nga buhi sa ospital ro mga biktima nga naga edad it 13-anyos ag daywang 16-anyos.
Samtang, ro mga naninahan nga naga-edad it 15 ag 20 hay kinahangean nga magpaidaeum sa operasyon bangud sa grabeng sunog nga naangkon sa andang eawas bangud sa tama it kilat.
