SHOWBIZ News — Tatlong indibidwal ro ginkasuhan angot sa pagkamatay it One Direction singer nga si Liam Payne sa pagkahueog kara halin sa balkonahe it anang hotel sa Buenos Aires ko nagtaliwan nga buean.
Ro pagkamatay it 31 anyos nga singer hay nagpakibot sa kalibutan ag nagpataas sa mga pangutana kon paalin imaw nga nahueog.
Sa ginpatigayon nga autopsy, nagguwa nga ro dating miyembro it boy band hay nakitaan it mga traces it alkohol, cocaine ag sangka owa gina-reseta nga antidepressant sa anang sistema kat imaw hay namatay.
Kaibahan sa mga kinasuhan sa anang kamatayon hay sangka ginadudahan nga nagabaligya it droga, sangka empleyado it hotel nga posibleng nagtau kay Payne it cocaine ag sangka tawo nga maeapit sa singer.
Ro tanan nga ginkasuhan hay may papel sa pagtau kay Payne it mga droga.
