-- ADVERTISEMENT --
Nag-angkon it tatlong madinaeag-on nga kampanya kontra sa mga wanted nga persona ro Aklan Police Provincial Office (APPO).
Suno kay P/Cpt. Aubrey Ayon, tagapagamabae it APPO, halin May 26 hasta June 1 hay nakaserbe sanda it warrant of arrest sa Kalibo, Malay, ag Batan kun sa siin naging madinaeag-on ro andang pag-aresto sa tatlong wanted nga mga persona.
Dugang pa ni P/Cpt. Ayon nga kaeabanan kara hay mga dati eon nga kaso apang makara eang na serbihan bangud makara eang man sanda na locate.
Ginpahayag man nana ro pasasaeamat sa mga pumueuyo nga nag bulig, ag padayon nga nagabulig sa pag tao it impormasyon sa andang taeatapan para sa mga wanted persons.
