Ninahan ro sangka 30-anyos nga biktima matapos bun-on sa Purok 1 C. Laserna St. Kalibo, Aklan.
Suno kay P/Lt. Arnold Tejada, investigation officer it Kalibo PNP nga bandang 11:20 kahapon it gabie, Marso 19, nakabaton ro andang estasyon it sangka report nga may stabbing incident sa bahin it C. Laserna St. Insigida man nanda rayang ginrespondihan ag nadakpan ro sambato sa mga suspitsyado samtang ro sambato hay nakapaeagyo.
Pareho sigon nga tumandok it nasambit nga lugar ro biktima ag ro mga supstsyado. Narekober sa nadakpan ro sangka 10 inches nga siyaw nga uwa it pueo ag gina-aligar nga raya ro anang gamit sa pagpanghana nga bun-on ro biktima apang eagi imaw nga na-awat, samtang daeayon nga habuno it anang kaibahan ro biktima.
Naka-angkon it tama ro biktima sa waea nga parte it anang tiyan ag presente nga nagapamayad sa ospital.
Sa makaron, gapahaom eon sigon ro imbestigador para sa pag file it kasong attempted homicide sa mga suspetyado. Samtang, ginapanawagan man nana sa suspek nga nakapaeagyo nga mag-surrender eon bangud may tendency sigon nga mag-naba ro anang penalty kun mag surrender eagi imaw.
Padumdum man ni P/Lt. Tejada nga ro inom hay indi ibutang sa ueo para malikawan ro mga uwa nailaan nga mga hitabo
