KALIBO, Aklan — Ginpasiguro it Department of Social Welfare and Development (DSWD)-6 ro padayon nga pagpanupod it foods packs sa mga residente it Boracay apisar nga nagbukas eon ro isla masobra sa sang buean eon ro nakataliwan.
Suno kay Reynante Lasay, project development officer ag Boracay focal person it ahensiya, na i-turn-over eon nanda sa lokal nga gobyerno it Malay ro kabilugang 3,400 nga food packs ko nagtaliwan nga dominggo.
Ro iba pang mga food packs hay iga-deliver sa isla sa sueod it presenteng buean.
Raya hay bilang kaparte it andang promisang magata-o it foods packs sa mga apektadong residente sa tatlong barangay it Boracay kasunod it pagpasarado kara ko Abril 26 agud taw-an it daean ro paglimpyo ag rehabilitasyon.
Mag-eowas kara, ginpahayag pa ni Lasay nga padayon ro andang monitoring sa mga programa it ahensiya kaparehas it Cash for Work mag-eowas pa sa livelihood assistance ag bulig pinansiyal.
