KALIBO, Aklan — Pwede eon nga makapag-operate ro 368 nga hotels and resorts sa Boracay, suno sa Department of Tourism (DOT).
Kapin sa 13,064 nga kwarto ro pwede eon nga ma-accommodate it mga turista sa sikat nga tourist destination.
Antes nga makapag-operate, kinahangean nga makabo-oe it permit ag clearance halin sa Department of Interior and Local Government (DILG) ag Department of Environment and Natural Resources (DENR).
Nauna kara, padayun ro pagpadumdum it Boracay Inter-Agency Task Force sa mga gustong mag-agto sa bantog nga tourist destination nga ro mga hotels ag resorts eamang nga sa listahan it DoT ro pwedeng magbaton it turista ag bakasyunista.
Sa makaron hay limitado gihapon sa 6,405 ro numero it mga turistang ginapasugtan nga makasueod sa isla kada adlaw.
Ko October 26, 2018 kat uman nga buksan ro Boracay matapos nga ipaidaeum sa an-um nga buean nga rehabilitasyon.
