KALIBO, AKLAN — Naga pangatubang sa kasong Estafa ag pag eabag sa RA 8484 ukon Access Device Regulation Act of 1998 ro ap-at nga katawo kaeakip ro daywang babaye bangud sa credit card fraud sa isla it Boracay.
Gin kilaea ro mga suspek nga sanday Carmela Cho Pahati it Sta. Cruz, Manila; Apol Cruz Buenaflor it Taguig; Reynald Merlan Bartolome it Mariveles, Bataan ag Jose de Leon Marcelino it Taguig, Manila.
Naaresto ro mga suspek sa ginpatigayung hot pursuit operation sa Caticlan jetty port bandang alas-2:30 it hapon it mga operatiba it Boracay Tourist Assistance Center (BTAC).
Nakumpiska sa mga raya ro mga handheld skimming device ag laptop nga gina patihang ginamit it mga suspek sa andang ilegal nga aktibidad.
Inaresto ro mga suspek bangud sa mga makadueodang transaction gamit ro mga credit cards agud magbakae it mga maeahaeong aeak ag pagkaon sa pilang mga sikat nga disco bar ag iba pang restaurant sa isla.
