KALIBO, Aklan — Arestado ro ap-at nga kababayin-an bangud sa paghampang it sugae nga pusoy bandang alas-3:30 it hapon sa Purok 4 C. Laserna St. Kalibo, Aklan.
Ro ap-at hay naaktuhan it mga pulis halin sa Kalibo Police Station nga nagpatigayon it follow-up operation matapos nga makabaton it reklamo nga may nagasugae sa lugar sa guwa it sangka panimaeay.
Nakilaea ro mga naaresto nga sanday Michelle Ann Boga Estañol, 29, ag Julia Parreño Bulos, 29, parehong residente it C. Laserna St., Kalibo; Chantal Christine Cipriano Salazar, 21, it Brgy. New Buswang, Kalibo; ag sangka 17 anyos nga residente it Brgy. Polocate, Banga.
Insigidang gin-aresto ro mga raya ag ginkulong sa Kalibo Police Station ro tatlo samtang ro menor de edad hay gindaea sa DSWD.
Nakumpiska it mga pulis ro sangka set it baraha ag kwarta nga ginapatihan nga taya nga P662.
Ro ap-at hay nagapangatubang sa pag-eabag sa PD 1602 ukon illegal gambling.
