4 nga miyembro it UN peacekeeping forces sa Lebanon ninahan

Ninahan ro ap-at nga miyembro it United Nations peackeeping agency nga nakataeana sa southern Lebanon.

Gintamaan abi it rocket ro base nanda nga sambilog sa tatlong insidente sa sueod it sang adlaw.

Gindaea eun sa pabuengan ro ap-at nga Ghanaian peacekeepers.

Suno sa UN Interim Force in Lebanon (Unifil) natabo ro insidente sa Ramyah village maeapit sa border it Israel.

Kaibahan sa naglista it danyos ro base nanda sa Shama apang uwa it nailista nga ninahan.