KALIBO, Aklan — Bilang kaparte it pagpabaskog it kampanya para sa tamang pagdumaea it basura, nagpanupod ro barangay council it Andagao it ap-at nga mga mabahoe ag pare-parehong trash bins sa pilang lugar sa andang barangay nga prone sa basura.
Suno kay Punong Barangay Juliet Melgarejo it nasambit nga barangay nga tuyo kara nga matur-an ro mga residente sa tamang pagdumaea it basura agud nga malikawan ro pagkalhit kara sa mga karsadahon.
Ginatawag sigon ro nasambit nga proyekto nga Andagao Garbage Collection Station.
Raya hay may tatlong compartment agud nga ma-practice ro tamang waste segregation.
Ro andang barangay sigon hay nagapanguna sa banwa it Kalibo nga may pinakamaabu nga establisimento komersiyal rason nga maabu ro andang natitipon nga basura kada adlaw.
