NATIONAL News — Gin-contempt it House Tri Committee (TriComm) nga naga-imbestiga sa pagkalhit it fake news online ro ap-at nga indibidwal bangud sa pilang beses nanda nga owa pagsipot sa congressional inquiry.
Ginsuhestiyon ni Abang Lingkod party-list Rep. Stephen Paduano nga i-cite in contempt sanday Sass Sasot, Jeffrey Celiz, Lorraine Badoy, ag Mark Lopez, nga may kaeakip nga detention order.
Gin-aprubahan man it joint committee ro mosyon.
Gin-contempt sanday Sasot, Celiz, ag Badoy sa pagpamalibad nga magsabat sa summons nga owa it legal excuse.
Na-contempt man si Lopez bangud sa gina-alegar nga undue interference matapos nana nga batikuson ro ginapatuman nga House inquiry matapos imaw nga manduan nga magpangayo it pasaylo bangud sa anang pekeng social media posts.
Ginmanduan sanday Sasot, Celiz, ag Badoy nga iditine sa Batasang Pambansa hasta nga matapos it House TriComm ro imbestigasyon, samtang ginapadetine man si Lopez sa Batasang Pambansa sa sueod it 10 adlaw.
