-- ADVERTISEMENT --
Mas maabu nga rehistradong botanteng Pilipino ro nagapati nga masentensiyahan it guilty si Vice President Sara Duterte kaysa maabswelto sa anang impeachment trial.
Base sa Publicus Asia—Pahayag Third-Quarter Survey, 44% ro nagapati nga mapamatud-an ro mga pasibangud kontra sa Bise Presidente, samtang 31% ro naghambae nga maabswelto si VP Sara.
Samtang, 25% ro owa pa makadesisyon ukon owa it mahambae ag 11% ro nagapati nga posibleng matapos ro proseso nga owa it pormal nga sentensiya.
Ginpatigayon ro survey ko October 1 hasta 4 ukon bago ginbawi it House prosecutors ro tatlo sa ap-at nga impeachment charges ko October 13.
