KALIBO, Aklan — Igapaidaeom sa evaluation ro 44 pamilya it mga katutubong Ita nga posibleng mangin benepisyaryo it igapanagtag nga eugta it Department of Agrarian Reform (DAR) sa isla it Boracay.
Suno kay DAR Undersecretary David Erro nga tatlong adlaw ro andang ginapatigayon nga joint validation kaibahan ro Department of Environment and Natural Resources (DENR) sa mga eugta nga target of coverage.
Sa kabilugan nga 29 nga ektarya nga na-identify nga eugta, pagatutukan nanda ro 12.5 nga ektarya sa Barangay Manocmanoc, kung siin, owa it nakatindog nga istraktura.
Dugang pa ni Usec Erro nga engkaso nga ma-qualify ro mga Ati benificiaries, igatao kanda ro eugta antes pa man ro uman nga pagbukas it Boracay sa mga turista sa Oktubre 26.
Balak it DAR nga magtao it suporta ag kagamitan sa mga katutubo nga pagagamiton sa andang pagpanguma nga makabulig agud mapa-umwad ro andang pangabuhi.
