KALIBO, Aklan – – – Patay ro sangka 45 anyos nga eaeaki matapos nga bumunggo sa kasunod nga tricycle sa Brgy. Laguinbanwa West, Numancia.
Ginkilaea ro biktima kay Fredie Apolinario, residente it Brgy. Tinigaw, Kalibo samtang nakilaea man ro tricycle driver kay Jan Rey Recutia, 24 anyos.
Base sa initial nga imbestigasyon it mga kapulisan, uwa nataeupangdan it biktima nga nag U-turn ag nag menor ro nasambit nga tricycle driver.
Bangod kara hay sumunggab si Apolinario sa atup it tricycle nga nangin kabangdanan it pagkawasak it anang itsura.
Insigida man raya nga gintabang ag gindaea sa ospital abang gindeklara nga dead on arrival.
Sa makaron hay nagapabilin nga detain sa lock up cell it Numancia PNP station ro driver it tricycle nga si Recutia para sa nagakaigo nga disposisyon.
