NATIONAL News — Pasado sa Career Service Examination – Pen and Paper Test (CSE-PPT) ro kabilugan nga 47,459 examinees nga ginpatigayon sa bilog nga nasyon ko Àgosto 11.
Suno sa Civil Service Commission (CSC), 42,812 examinees, nga ginaeakipan it 14.43 percent it 296,758 total candidates, ro nakapasa sa CSE Professional Level, samtang 4,637 indibidwal ukon 14.18 percent it 32,707 examinees ro nakabo-oe it passing rate para sa CSE Subprofessional Level.
Sa rehiyon, naangkon it National Capital Region ro pinakamataas nga passing rate nga 18.96 porsiyento, nga may 8,242 nga madinaeag-on nga examinees halin sa 43,478 indibidwal nga nagbo-oe it eksaminasyon.
Nagapangaywa ro Central Luzon samtang nagapangatlo ro Calabarzon, nga may 18.73 porsyento (4,153 pumasa sa 22,178 examinees) ag 17.56 porsyento (6,846 halin sa 38,978) ro mga nakapasar.
Samtang, ro pag-claim it Certificate of Eligibility (CoE) para sa mga nakapasar, nga naka-print sa CSC letterhead ag gina-isyu nga owa it bayad hay pwede eon nga mabo-oe sa Nobyembre 20 sa natungdan nga CSC Regional Office ukon Field Office kun sa siin ro eksaminasyon hay ginbo-oe.
