Gin-uyog it magnitude 5.1 nga linog ro Quezon province, udtro adlaw it makaron nga adlaw it Martes , suno sa Philippine Institute of Volcanology and Seismology (Phivolcs).
Base sa Phivolcs, ro linog hay natabu sa 24 kilometro naaminhan-nakatungdan it General Nakar nga may kadaeumon nga 6 nga kilometro.
Bangud sa pag-uyog, pilang building sa Metro Manila ro nagmandu it evacuation sa andang mga empleyado kaibahan ro Senado, National Bureau of Investigation (NBI), ag Department of Migrant Workers.
Nagaeaum man ro Phivolcs sa posibleng aftershocks tuga it linog.
Maskin nga Intensity 2 eamang ro nailistang kabaskog sa Taguig, apang posibleng magbag-o pa sigon raya.
Nasayuran nga ro Pilipinas hay kaparte it Pacific Ring of Fire, rason nga pirmeng nakaka-eksperyensiya it mga linog sa nasyon.
Kaeabanan kara hay mahina, apang ro mabaskog ag makahaealit hay nagakatabu nga owa it anuman nga paandam ag indi pa masarangan nga i-predict it sangka teknolohiya kun hin-uno raya matabu.
