Limang mahistrado it Supreme Court of the Philippines ro nagdihon it dissenting opinion kontra sa naging desisyon it SC En Banc nga ibasura ro hinyo ni Senador Ronald dela Rosa para sa temporary restraining order (TRO) ag status quo ante order angot it posibleng pag-aresto kana base sa warrant it International Criminal Court (ICC).
Ku Mayo 20, bumoto ro SC En Banc it 9-5-1 para balibaran ro hinyo ni dela Rosa para sa interim relief.
Kaibahan sa mga kumontra sa desisyon sanday Associate Justices Ramon Paul Hernando, Amy Lazaro-Javier, Henri Jean Paul Inting, Ricardo Rosario, ag Antonio Kho Jr..
Sa andang separado nga opinyon, ginpamilit it mga mahistrado ro kawad-an sigon it bastante nga legal nga basehan sa pagpatuman it ICC arrest warrant, kaibahan ro istorya it hurisdiksyon, soberanya it nasyon, ag posibleng indi eon mabalik nga kahalitan ingkaso ma-surrender si dela Rosa sa ICC.
Sa pihak kara, nagapabilin nga epektibo ro desisyon it Korte Suprema nga indi mag-tao it temporaryong proteksyon kontra sa posibleng pag-aresto it senador.
