Ginplastar it Department of Trade and Industry (DTI) ro 5-point strategy it ahensya para sa pagpabaskog it Micro, Small, And Medium Enterprises (MSMEs) ukon maintok nga negosyo sa nasyon.
Ginpahayag ni Acting Sec. Ma. Cristina Aldeguer-Roque nga ro MSMEs sa nasyon hay nagarepresentar sa 99.5% it business sector ag 60% it workforce, tason nga madasig nga mag-arangkada ro ekonomiya kon maiangat raya.
Una sa istratehiya hay ro digitalization para sa mas madasig nga paghatod it mga produkto ag impormasyon sa bilog nga Pilipinas.
Halimbawa sigon kara hay ro Tiktok nga popular makaron sa digital selling kon sa siin maabo ro nagakita.
Pangaywa man ro diversification nga magbaligya it iba pang produkto, ag pangatlo hay ro funding sa pinaagi it purchase order financing it small business corp.// kaibahan eon kara ro pagduso it franchise businesses, ag ro mentoring ukon pag-alalay sa maintok nga negosyante.
