Limang pulis nga miyembro it Provincial Mobile Force Company it Shariff Aguak ro ginkumpirmang namatay base eon man sa impormasyong ginpakigbahin ni PNP-BARMM spokesperson Capt. Steffi Salanguit.
Natabo ro ambush sa bahin it Barangay Mother Poblacion, Shariff Aguak, Maguindanao del Sur pasado alas 9:00, Sabado it gabie.
Ro mga biktima hay mga miyembro it 2nd Provincial Mobile Force Company it Maguindanao del Sur PNP.
Base sa report, sakay ro mga raya sa PNP Mobile car nga may body number 767, kat tambangan it mga suspek samtang pabalik ro mga raya sa Camp Datu Akilan, Maguindanao Del Sur Police Provincial office halin sa pagpatrolya sa Shariff Aguak town proper.
Nasayuran nga waeong mga pulis ro sakay it nasambit nga patrol mobile, lima sa mga raya ro namatay kaibahan sanday Patrolman Kenneth Perocho, Patrolman Al-Fatah Marohom, Patrolman Amil Bangsa, Patrolman Arsenal Sivih, Patrolman Sayed Ridwan samtang nakaeowas mat-a sanday PLT Alfred Gregory, PSSgt Adam Kamarudin Kansi, ag Patrolman Abubakar Lauban nga presenteng nagapamayad sa ospital.
