POLICE Report — Arestado ro ap-at nga empleyado, kaibahan ro daywang babaye, matapos salakayon it kapulisan ro sangka kompanya nga nagabaligya it pekeng piyesa it motorsiklo sa Caloocan City.
Ro mga nadakpan hay sanday alyas “Jajah” (25), alyas “Jean” (26), parehong sales staff, ag alyas “Roger” (36) ag alyas “Christopher” (35), parehong stock clerk. Owa mat’a nadakpan ro manager ag tag-ana it kompanya, nga si alyas “MM,” bangud nga owa imaw kat ginpatigayon ro pagsalakay.
Ginpatigayon ro operasyon bandang alas-2 it hapon, base sa search warrant halin sa Caloocan City RTC, matapos mapamatud-an nga pekeng bearing ro ginabaligya it kompanya.
Nakumpiska ro 120 kahon it pekeng bearings nga may brand nga U&S, nga orihinal nga himo sa Estados Unidos, ag nagabalor it P1.5 milyon.
Ro mga nadakpan nga empleyado hay pagapasakaan it kasong pageabag sa Intellectual Property Code of the Philippines sa Caloocan City Prosecutor’s Office.
