KALIBO, Aklan—Kapin sa an-om katawo ro ginbue-an it accreditation sa nagapadayun nga 2020 Tokyo Olympics bangud sa pag-eabag sa COVID-19 protocols ag drug abuse.
Suno kay Bombo Samurai Correspondent Josel Palma nga daywa sa mga raya hay Judo silver medalist halin sa Georgia kun siin gin-revoke ro andang accreditation bangud sa pagpanaw sa athelete’s village para mag-sightseeing.
Samtang, ro ap-at hay puro contractual workers sa athelete’s village nga ginakaeakipan it daywang Briton ag daywang Amerikano kun siin nag-adto ro mga raya sa sangka ilimnan ag bilog nga gabi-i nga nag-inuman.
Dugang pa ni Palma nga sambilog sa mga Amerikano hay nagsueod sa sangka condominium nga naka-inom ag insigida man nga gin-aresto it mga otoridad.
Kat ginpaidaeom ro mga raya sa urine test, natukiban nga positibo sanda sa droga partikular sa Cocaine.
Matueopangdan nga nauna eon nga ginbawae it Tokyo Organizing Committee ro pagguwa it mga atleta sa Athele’s village ag pag-adto sa City para magwarang agud nga malikawan ro pagkalhit it COVID-19 infection.
