KALIBO, Aklan — Nagpakamatay ro sangka lolo matapos nga magbigti sa sueod it ginatrabahuhan nga resort bangud sa depresyon pasado alas-5:00 kaina it aga-aga sa Brgy. Balabag sa isla it Boracay.
Nakilaea ro biktima nga si Andres Ignacio, 63, helper sa resort, residente it Magsikap, Rizal, Occidental Mindoro, apang temporaryong naga-istar sa sueod it resort.
Nakita raya it anang mga kaibahan nga nakabitin eon sa kisame it andang kwarto gamit ro electrical cord.
Nagapati si Wennie Ignacio, igmanghud it biktima nga depresyon ro nagtueod sa biktima agud nga magpakamatay.
Dati eon man sigon raya nga naghana nga magbigti.
Nasayuran nga nagsuka it dugo ro biktima may daywang domingo eon ro nagtaliwan, apang nagpamalibad nga magpabueong.
Posibleng raya sigon ro grabeng ginaproblemahan it senior citizen rason nga nagpakamatay.
