KALIBO, AKLAN –– Arestado ro sangka 69 anyos nga eaeaki nga naga-ubra it home-made ukon improvised nga mga baril sa banwa it Numancia.
Ginkilaea ro suspetsado kay Alberto Raz, residente it barangay Albasan,Numancia.
Suno kay Raz, nag-aeabutan sigon sa anang panimaeay ro mga katapo it kapulisan ag gin-inspection ro anang pandayan.
I
dto nakumpiska it mga kapulisan ro mga uwa pa nahuman nga mga baril nga anang gina-ubra.
Gin-ako man kara nga mabuhay eon imaw nga naga-ubra it mga home-made nga baril umpisa pa ku 1980s.
Ginsugid man it nasambit nga suspetsado nga gina-assemble na rayang mga baril ag naga-ubra imaw kung may magapa-ubra kana.
Aminado man imaw nga illegal raya bangod sa indi man imaw pagtaw-an it permiso sa pag-ubra it mga home-made nga baril.
Sa pihak nga parte, ginpabutyag man ni Alberto Raz, raya man ro anang ginahueat nga kapalaran.
Sayud na man sigon nga rayang klase it anang trabaho hay daeakpon.
Dugang pa ni Raz nga uwa man imaw naganuoe kara bangod bukon man it panakaw ro anang trabaho ag ginpahueasan na man antes imaw maka-kwarta.
Samtang, sa paghinakop eon makaron it Numancia PNP si Raz para sa nagakaigo nga disposisyon.
