BALITA Espesyal–Sangka two year old nga Great Dane halin sa Texas ro ginpasidunggan it Guinness World Records bilang pinakamataas nga ayam sa bilog nga kalibutan.
Gin-anunsyo it Guinness ko Marso 22, 2022 nga ro ayam nga ginapanag-iyahan ni Brittany Davis nga si Zeus hay ro presenteng record holder sa kategoryang “Tallest dog living” para sa eaeaki matapos raya nga sukaton sa kataason nga 3 feet, 5.18 inches tall.
Suno kay Davis, eight months old pa eamang si Zeus kat iregalo raya kana.
Tiyo pa eamang si Zeus hay mabahoe nga ayam eon raya ag masyadong maeapad ro anang mga siki.
Nag umpisa eamang sa joke sa sangka family gathering it mga Davis ro ideya nga si Zeus ro pinakamataas nga ayam sa bilog nga kalibutan.
Kat ginpasukat nanda sa sangka veterinarian si Zeus, mas pang nagbahoe ro pagduda nanda rason nga nagsumite sanda it aplikasyon sa Guinness.
Owa ginaeauman it pamilya Davis nga magiging world record holder si Zeus.
Bangud sa sobrang proud sanda sa achievement it andang alagang ayam, nakadisplay ro Guinness certificate ni Zeus sa andang living room.
