Nagpromisa ro Commission on Elections (Comelec) nga inde eon mauman makaron nga 2022 ro pitong oras nga ‘glitch’ nga natabo ko 2019 elections.
Ginpahayag ni Comelec Commissioner George Garcia nga nag-update eon sanda it sistema it andang servers para inde eon mauman ro glitch.
Ginpaathag nga ko 2019, uwa nasarangan it ‘transparency server’ ro tanan nga datos nga nag-abot it dungan rason nga nakaangkon it glitch nga umabot it pitong oras.
Apang makaron nga 2022, magapadaea it datos ro 106,000 voting precincts pinaagi it batches it tig-10,000 agud nga malikawan ro pagsueod it mataas nga datos.
Nagbilog man ro Comelec it mga ‘provincial technical hubs’ nga pwedeng dikara eagi ipadaea ro mga SD cards nga magaloko para insigidang masolusyunan ro problema.
